Müstəqil texniki nəzarətçi rolunun lazımlılığı

Bu yazını Bakıda IT satıcısı seçmiş bir tikinti şirkətinin sahibkarı ilə söhbət sonrası yazıram. Söhbət belə başladı:

“Mənə sayt 12 min dolara çıxdı. Bilmirəm — bu, normaldir? Eyni şeyi 4 minə də verirdilər. Hansının haqlı olduğunu necə yoxlayım?”

Bu cümlə Azərbaycan IT bazarının ən böyük strukturel boşluğudur. Müştəri tərəfində texniki müşavir yoxdur.

Boşluq nədir

Sifarişçi (alıcı) bunları doğrulaya bilmir:

1. İşin keyfiyyəti həqiqətən yaxşıdırmı? Sayt açılır, lakin kodu, performansı, təhlükəsizliyi, accessibility-i nə vəziyyətdədir?
2. Qiymət adekvatdırmı? Eyni iş üçün təklif edilən qiymət bazarın haradadır?
3. Aldadılırmı? Vendor “çox ay çəkəcək” deyəndə həqiqəti deyirmi, ya öz xeyirini gözləyir?
4. Layihə tamamlanıbmı? “Hazır” sözü vendor ilə müştəri arasında müxtəlif mənalara gəlir.

Bu dörd sual hər layihənin gizli paranoiyasıdır. Müştəri bunu vendor-a soruşa bilmir, çünki vendor maraqlı tərəfdir.

”Sayt yaradıcı” və “sayt yoxlayıcı” eyni adam ola bilməz

Bina tikəndə:

• Layihələndirici — kim bunu nə formada tikəcək
• Podratçı — kim bunu tikəcək
• Texniki nəzarətçi — kim bunun düzgün tikildiyini yoxlayır

Bu üç rol bir adam ola bilməz. Maraq konflikti.

IT-də nəzarətçi rolu boşdur. Vendor özü-özünü yoxlayır. Müştəri yoxlama alətsiz qalır.

Qaynaq bu rolu necə oynayır

Biz iki cür xidmət eyni anda təklif edə bilərik, çünki rolları açıq ayırırıq:

Rol A: İcraçı (vendor)

Tipik agentlik kimi: brend, sayt, məhsul dizaynı, mühəndislik. Müştəri bizi sifariş edir, biz yaratırıq.

Rol B: Müstəqil nəzarətçi

Müştəri başqa vendoru ilə işləyir. Biz aylıq:

• Sprint nəticələrini doğrulayırıq — “deyilən şey həqiqətən təhvil verilibmi?”
• Qiymət adekvatlığını yoxlayırıq — “saatlıq qiymət bazarın orta səviyyəsindədir?”
• Code/dizayn keyfiyyəti hesabatı veririk — “vendor düzgün arxitektura və konvensiyaları izləyirmi?”
• Layihə risklərini müəyyənləşdiririk — “gecikmə əlamətləri hələ vendor demədən görünürmi?”

Bu bir layihə üçün eyni vaxtda iki rolu oynamırıq. Əgər müştəri Qaynaqı vendor kimi tutubsa, biz onun nəzarətçisi ola bilmərik. Əgər nəzarətçiyiksə, vendor olmuruq.

Qiymət modeli

Nəzarət xidməti aylıq abunəlik kimi qiymətlənir:

• Light — ayda bir hesabat, sprint review (səviyyə 1)
• Standard — iki həftəlik review, vendor görüşlərinə qoşulma (səviyyə 2)
• Deep — həftəlik aktiv, code review, qiymət müzakirəsi (səviyyə 3)

Müddət konkret aydır — uzunmüddətli kontrakt yox. Müştəri istənilən vaxt çıxa bilər.

Niyə bu hələ AZ-də yoxdur

Çünki:

1. Maraq konflikti: əksər agentliklər həm icra etmək həm də nəzarət etmək istəyir, çünki nəzarət ucuzdur. Lakin bu rolları qarışdıranda etibar dağılır.
2. Bazar tələb etməyib: müştərilər “nəzarətçi” konsepsiyasını eşitməyib. Bunu satmaq üçün konseptin özünü tanıtmaq lazımdır.
3. Qaynaq mövqedədir: AI alətləri ilə nəzarət xidməti əvvəlkindən on dəfə ucuzdur. Audit pipeline-ı eyni texnologiyadan istifadə edir.

Bu rolu satmaqda dürüstlük

Bir vacib qeyd: nəzarətçi rolu xidmət satışı vasitəsi deyil. Hesabatda biz heç vaxt yazmırıq “bu işi biz daha yaxşı edə bilərdik” — çünki bu, role görə doğru deyil. Nəzarətçi vendor-u yıxmaq üçün yox, müştərinin pulunu qorumaq üçün burdadır.

Əgər vendor öz işini yaxşı edirsə — biz hesabatda bunu yazırıq və qane oluruq. Ən yaxşı nəzarətçi hesabatı budur: “davam edin, yaxşı gedir”.

---

Bu xidmət üzrə müzakirə üçün: salam@qaynaq.com.